«Ózgidromet» dem alıs kúnleri baqlanatuǵın hawa rayı boyınsha maǵlıwmat berdi.

Búgin Ózbekstan aymaǵına Iran aymaqlarınan oǵada jıllı hawa kirip kelmekte. Respublika boyınsha qurǵaq hawa rayı kútilmekte, hawa temperaturası 20-23 gradus jıllı, qublada hám shól aymaqlarında hawa temperaturası 25-27 gradusqa shekem kóteriledi. Tek Qaraqalpaqstanda, ayırım orınlarda keshke qaray jawın jawadı.

Dem alıs kúnleri respublika boyınsha ayırım orınlarda jawın jawadı, ekshembi kúni arqada qarǵa aylanıwı múmkin. Taw aldı hám tawlı aymaqlarda jawın, ayırım jerlerde kúshli boladı. Hawa temperaturası tómenleydi hám 5-mart kúni túnde 10-15 gradus, kúndiz 13-18 gradus, 6-mart kúni túnde 5-10 gradus, kúndiz 12-17 gradus jıllı bolıwı kútiledi.

Jıllı hawanıń jedel kirip keliwi, soń Kavkaz aymaqlarınan salıstırmalı salqın hawa nátiyjesinde respublika boyınsha ayırım orınlarda samaldıń tezligi 18-23 m/s qa shekem kúsheyedi hám shań-tozan baqlanıwı múmkin.

Qaraqalpaqstan Respublikası, Buxara, Nawayı, Samarqand, Jizzaq, Qashqadárya wálayatlarınıń ayırım jerlerinde samaldıń tezligi 25-30 m/s qa shekem kúsheyiwi múmkin.

Makan.uz