Nókis qalasındaǵı “Jaslar orayı” imaratında jaslar hám “Uzbekistan Airways” akcionerlik jámiyeti wákilleri arasında ashıqtan-ashıq sóylesiw shólkemlestirildi. Bul ushırasıw keleshekte óz ómirin aviaciya tarawı menen baylanıstırıwdı niyet etken jaslar ushın áhmiyetli platformaǵa aylandı. Ushırasıw dawamında ushıwshılardı tayarlaw sisteması, kadrlar siyasatı, bort baqlawshı lawazımına talaban jaslarǵa qoyılatuǵın talaplar hám jumısqa qabıl etiw shártleri, aviaciya xızmetleri haqqında jaslar ózlerin qızıqtırǵan barlıq sorawlarǵa tájiriybeli qánigelerden tolıq juwaplar aldı.