Nókis qalasında jaylasqan Qaraqalpaqstan kórkem óner sarayı haqıyqıy yumor hám zawıq maydanına aylandı. Bul jerde Quwnaqlar hám ziyrekler 2026-jılǵı 5-máwsiminiń Joqarı hám Premer-liga ushın saylap alıw bellesiwleri baslandı. Qızǵın ótken bellesiwlerde qatnasıwshı komandalar ózleriniń sheber shıǵıwları, qızıqlı saxnalıq kórinisleri arqalı jıynalǵanlarǵa kóterińki keypiyat baǵıshladı. Bul saylap alıw basqıshları Respublika kóleminde 25-sentyabrge shekem dawam etedi. Onıń juwmaqlawshı nátiyjelerine bola, eń múnásip komandalar Joqarı liga hám Premer liga jollamaların qolǵa kirgizedi. Barlıq qatnasıwshı komandalarǵa áwmet tileymiz hám aldaǵı bellesiwlerde máwsim chempionlıǵın qolǵa kirgiziwin tilep qalamız.