Búgin “El-yurt umidi” qorı tárepinen Qaraqalpaqstan Respublikasında qábiletli jaslar ushın úgit-násiyatlaw ilajları shólkemlestirildi. Ilajdıń tiykarǵı bólimi Nókis mámleketlik pedagogikalıq institutında bolıp ótti. Onda qábiletli oqıwshılar, studentler, shet tili sertifikatına iye jaslar hám jas mámleketlik xızmetkerler rayon hám qala hákimlikleri arqalı onlayn videokonferenciya baylanısı túrinde qatnastı. Ushırasıwlarda qatnasıwshılarǵa sırt elde bakalavriat, magistratura hám doktoranturada Qordıń grantları esabınan biypul bilim alıw, stipendiyalar, hújjet tapsırıw tártibi hám tańlaw shártleri haqqında tolıq maǵlıwmat berildi.