Qaraqalpaqstan Respublikası Jaslar isleri basqarması tárepinen qızlar arasında shólkemlestirilgen “Jaslar isleri basqarması kubogi” hám Qaraqalpaqstan Respublikası 2-ligası futbol jarısları óz juwmaǵına jetti. Usı jıldıń iyun ayınan baslap ótkerilip kiyatırǵan bul jarıslardan gózlengen tiykarǵı maqset qızlar arasında futbol sport túrin jáne de ǵalaba en jaydırıw, jaslardıń sportqa qızıǵıwshılıǵın arttırıw, qábiletli futbolshı qızlardı anıqlaw hám olardı qollap-quwatlawdan ibarat. Jarıslar dawamında jámi 12 komanda quramında 250 den aslam qızlar qatnasıp, óz-ara bellesiwlerde múnásip nátiyjeler kórsetti. Juwmaqlawshı nátiyjelerge bola, jeńimpaz hám sıylı orın iyeleri bolǵan komandalar tómendegi orınlardı iyeledi: 🥇 1-orın — “Xoja Eli W” komandası; 🥈 2-orın — Nókis qalası Anasay máhállesi komandası; 🥉 3-orın — Qaraqalpaqstan Respublikası futbol mektebiniń U-17 komandası. Jarıs juwmaǵında jeńimpaz hám sıylı orın iyelerine diplomlar, estelik sawǵaları hám Jaslar isleri basqarmasınıń kubogi saltanatlı jaǵdayda tapsırıldı. Bul jarıslar 250 den aslam qızlardıń sport penen turaqlı shuǵıllanıwına, futbolǵa qızıǵıwshılıǵın arttırıwǵa, jámiyechilik hám salamat báseki ortalıǵın qáliplestiriwge xızmet etti. Qaraqalpaqstan Respublikasında hayal-qızlar sportın rawajlandırıw, qábiletli jas sporchılardı qollap-quwatlaw hám futbolǵa qızıǵıwshı jaslar ushın jańa imkaniyatlar jaratıw baǵdarındaǵı jumıslar izbe-iz dawam ettiriledi.