Mini-futbol boyınsha MQX kubogi: Qaraqalpaqstan Respublikası basqıshında 2-tur oyınları

Mámleketimizde jaslar arasında salamat turmıs tárizin qáliplestiriw, ǵalabalıq sporttı jáne de rawajlandırıw hám máhálle jaslarınıń qábiletin júzege shıǵarıw maqsetinde dástúriy tárizde ótkerilip kiyatırǵan Mámleketlik qáwipsizlik xızmeti kubogi jarıslarınıń Qaraqalpaqstan Respublikası basqıshı dawam etpekte. Bul jarıs professional sportshı bolmaǵan, biraq futbolǵa qızıǵıwshılıǵı ayrıqsha bolǵan máhálle jasların birlestirgeni menen áhmiyetli. Qaraqalpaqstannıń barlıq aymaqlarınan kelgen komandalar tek ǵana bas sıylıq – MQX kubogı emes, al usı jıldıń avgust ayında Tashkent qalasında bolıp ótetuǵın Respublikalıq final basqıshı jollaması ushın da óz-ara kúsh sınaspaqta.