Barlıq joqarı oqıw orınlarınıń student jasları arasında Hamid Olimjan hám Zulfiya Isroilovanıń bay dóretiwshilik miyrasına baǵıshlanǵan “Ádebiyat aspanındaǵı eki juldız” kórkemlep oqıw hám teartlastırılǵan kórinisler tańlawınıń Qaraqalpaqstan Respublikalıq basqıshı bolıp ótti. Hár eki dóretiwshiniń ómiri hám dóretiwshiligine tiykarlanǵan kórinisler student jaslar tárepinen sheberlik penen atqarıldı hám tamashagóyler alǵısına eristi. Tańlawda: 1-orın Ózbekstan mámleketlik kórkem-óner hám mádeniyat institutı; 2-orın Qaraqalpaqstan Medicina institutı; 3-orın Nókis mámleketlik pedagogikalıq institutı jasları iyeledi. Tańlaw jeńimpazları hám belsene qatnasqan jaslar qáwenderler tárepinen bahalı sawǵalar menen sıylıqlandı.