1-iyun “Xalıq aralıq balalardı qorǵaw kúni” múnásibeti menen Shımbay rayonında bir qansha ilajlar shólkemlestirildi.
Atap aytqanda, Jaslar isleri agentligi Shımbay rayonlıq bólimi baslıǵı, Ekologiya partiyasınan rayonlıq jas deputat Islam Zarlikov «Baxıtlı» awıl puqaralar jıyınındaǵı balalarǵa bayram sawǵasın tapsırdı. Ómirimiz quwanıshı bolǵan balalar júzindegi kúlkige sebepshi bolıw bul úlken sawaplı islerden biri.

Shımbay rayonı hákimligi, Mayıplar jámiyeti, Jaslar shólkemi, rayonlıq Mádeniyat bólimi tárepinen imkániyatı sheklengen balalar ushın bayram ilaji shólkemlestirildi hám sawǵalar tapsırıldı. Sonday-aq, rayon orayındaǵı «Alpamıs market» isbilermenlik obiekti iyesi Qıdırbay Abdurasuliev tárepinen balalarımız ushın mazalı taǵamlar tarqatıldı.
Shımbay rayonında jaylasqan Ibrayim Yusupov atındaǵı “Golden park”te balalar ushın arnalǵan konsert baǵdarlaması ótkerildi. Onda rayon Mádeniyat bólimi xizmetkerleri tárepinen qızıqlı saxnalıq kórinisler hám qosıqlar atqarıldı. Rayonlıq Sárdarlarıda balalar ushın tayarlaǵan soraw-juwapların shólkemlestiridi.
Sonıda aytıp ótiw kerek, rayondaǵı bárshe máhálle jetekshileride sol kúni mayıplıǵı bolǵan hám kem támiyinlengen balalar halınan xabar alǵan halda olarǵa azıq awqat ónimlerin hám sawǵalar úlesti.