25-may kúni Jaslar isleri agentligi Shımbay rayonlıq bólimi, Jaslar awqamı Shımbay rayonlıq Keńesi, Ishki isler bólimi, Milliy gvardiya xizmetkerleri hám de máhállelerdegi jaslar jetekshileri tárepinen «Túngi reyd» ótkerildi. Bunnan maqset, jas-óspirimler hám jaslar arasında huqıqbuzlıqtıń aldın alıw, olardıń biymezgil kóshelerde júriwimewi, kafelerde túngi klublarda qatnaspawı hám de kompyuter texnologiyları arqalı oynalatuģin hár túrli zıyanlı oyınların oynamawınıń aldın alıw boldı. Sonıda aytıp ótiw kerek, keleshegimiz bolģan jas-óspirimlerge zıyanlı ádetlerden saqlanıw boyınsha túsinik jumısları alıp barıldı. Bul reyd rayondaģı bárshe aymaqlarda bolıp ótti.