SAHRADAǴI LUVRDA “AVANGARD PATRULI”: JAS OFICERLER RUWXIYLIQ SARQIRAMASINAN PAYDALANADI 12-avgust 12-avgust – Xalıqaralıq jaslar kúni múnásibeti menen Qaraqalpaqstan Respublikası Ishki isler ministrliginiń 30 ǵa shamalas jas xızmetkerleri Nókis qalasındaǵı dúnyaǵa belgili I.V.Savickiy atındaǵı mámleketlik kórkem óner muzeyine dóretiwshilik hám ruwxıy sayaxat shólkemlestirdi. “Sahradaǵı Luvr” dep táriyplenetuǵın bul sawlatlı orınǵa shólkemlestirilgen sapar jas xızmetkerler ushın tek ǵana mádeniy dem alıs emes, al haqıyqıy intellektuallıq rawajlanıw maydanına aylandı. “The Avant-Garde Patrol” (Avangard patruli) ideyası hám súreni astında ótkerilgen bul ilaj jaslardıń itibarın ózine qarattı. qorǵawshılardıń dúnyaǵa kózqarasın bayıtıw, olarda milliy hám jáhán miyrasına bolǵan joqarı húrmetti qáliplestiriwdi maqset etken. Sapar dawamında Qaraqalpaqstan Respublikası Ishki isler ministrliginiń jas xızmetkerleri muzey fondınan orın alǵan biybaha súwretlew kórkem óneri dóretpeleri, áemgi Xorezm mádeniyatı estelikleri hám qaraqalpaq xalıq ámeliy kórkem óneri úlgileri menen jaqınnan tanıstı. Ásirese, qadaǵan etiwlerge qaramastan saqlap qalınǵan rus avangard kórkem óneriniń dúrdanaları jas xızmetkerlerde úlken qızıǵıwshılıq hám tásir qaldırdı. Ilaj shólkemlestiriwshisi, ministrliktiń jaslar jetekshisi leytenant A.Shamuratov, “Xalıqaralıq jaslar kúni” múnásibeti menen xızmetkerlerdi qutlıqlap, bılay dedi: “Búgingi kúnde ishki isler uyımları xızmetkerinen tek ǵana fizikalıq tayarlıq hám nızamlardı jaqsı biliw emes, al joqarı mánawiyat hám intellektuallıq potencial da talap etiledi. Búgingi kún, eń belsendi hám kúsh-ǵayratlı jas xızmetkerlerimizdiń bul saparı xızmet wazıypaların orınlawda olarǵa jańa kúsh hám estetikalıq talǵam baǵıshlaydı. Jaslar kúni múnásibeti menen barlıq jas kásipleslerimizdi qutlıqlayman!” Muzey eksponatların kózden ótkerer eken, jas oficerlerden biri óz tásirleri menen ortaqlastı: “Xalıqaralıq jaslar kúnin bunday sawlatlı mádeniyat orayında kútip alıw bizge ayrıqsha maqtanısh baǵıshladı. Muzeydegi hár bir eksponat hám kist ieleriniń mártligi bizdi ótmish hám keleshek haqqında tereńirek pikir júrgiziwge iytermeleydi. Watanımız qáwipsizligin tek fizikalıq jaqtan emes, al ruwxıy jaqtan da qorǵawımız kerek ekenligin ańlattı. Bul sayaxat biz ushın haqıyqıy ruwxıy immunitet sabaǵına aylandı.” Aytıp ótiw orınlı, Qaraqalpaqstan Respublikası Ishki isler ministrligi sistemasında xızmet etip atırǵan jas xızmetkerlerdiń mádeniy dem alısın mazmunlı shólkemlestiriw ministrlik basshılıǵınıń turaqlı dıqqat orayında bolıp kelmekte. Óytkeni, ruwxıylıq ekspediciyası qalqan hám qálem úylesimi jas saqshılardıń xızmet jumısında ádillik, sadıqlıq hám joqarı mádeniyat penen qatnas jasawına bekkem tiykar jaratadı. Muzey boylap ótkerilgen ruwxıylıq ekspediciyası, tásirlerge bay ekskursiya hám umıtılmas waqıtlar jas xızmetkerlerdiń keleshektegi xızmet motivaciyasın jáne de arttırıwı sózsiz.