Taqıyatas rayonı hákimiyatı basshılarına biriktirilgen jumıssız jaslardıń bántligin támiyinlew, olardıń dúnyaǵa kózqarasın keńeytiw hám zamanagóy kásip-óner hám islep shıǵarıw procesleri menen jaqınnan tanıstırıw maqsetinde qońsılas Xorezm wálayatına oqıw-ámeliy ekskursiya shólkemlestirildi. Baǵdarlama sheńberinde jaslar zamanagóy Data orayı, tigiwshilik cexi, “Imzo” fabrikasınıń Xorezm filialında hám aymaqtaǵı sanaat zonalarında alıp barılıp atırǵan islep shıǵarıw processleri menen jaqınnan tanıstı. Qánigeler tárepinen sanlı texnologiyalar, sanaat infrastrukturası, jańa jumıs orınların jaratıw mexanizmleri, iskerlik xızmetin baslaw hám nátiyjeli basqarıw sistemaları boyınsha tolıq maǵlıwmatlar berildi. Bul oqıw-ámeliy ekskursiya jumıssız jaslardıń kásiplik baǵdarın anıqlaw, olardı zamanagóy kásip-ónerlerge baǵdarlaw hám keleshekte bántligin támiyinlewge xızmet etetuǵın áhmiyetli tájiriybe mektebi boldı.