Qaraqalpaqstan Respublikasında “Mártlik mektebi” oqıw jıyınınıń 2026-jılǵı 3-máwsimine start berildi

Jaslardı áskeriy-watansúyiwshilik ruwxında tárbiyalaw, olardı kásipke baǵdarlaw, isbilermenlik sırların úyretiw arqalı ómirde óz jolın tabıwı ushın qolaylı shárayat jaratıw maqsetinde Arqa-Batıs áskeriy okruginde “Mártlik mektebi” oqıw jıyınınıń 2026-jılǵı 3-máwsimine start berildi.

Qaraqalpaqstan Respublikasınıń barlıq qala hám rayonlarınan jıynalǵan jámlespegen jaslar dáslep Jaslar orayında kútip alındı.

Shólkemlestiriwshiler tárepinen oqıw jıyınınıń maqseti, tártip-qaǵıydaları túsindirildi hám jaslar Arqa-Batıs áskeriy okrugine jol aldı.

Oqıw jıyını qatnasıwshıları Arqa-Batıs áskeriy okruginde saltanatlı kútip alındı hám medicinalıq kórikten ótkerilip, olarǵa arnawlı kiyimler berildi.

Esletip ótemiz oqıw jıyını 10 kún dawam etedi.