Salıq basqarması baslıǵı X.Bekchanov tárepinen ózine biriktirilgen, atalıqqa alınǵan jaslardı hár tárepleme qollap-quwatlawǵa ayrıqsha itibar qaratıldı. Húrmetli Prezidentimizdiń jaslarǵa degen itibarı hám ǵamxorlıǵı sebepli tarawda jańa sistema jaratılıp, jaslar siyasatı máhálle dárejesine shekem túsirildi. Bunıń ayqın mısalı sıpatında jaslar jetekshileri tárepinen ótkerilgen xatlawlarda anıqlanǵan jumıssız jaslar rayondaǵı mákeme, kárxana hám shólkem basshılarına atalıqqa biriktirilip, olardıń bántligin támiyinlew ushın juwapker etip bekitildi. Búgingi jaslar menen ushırasıwı da áyne usı maqsette bolıp ótti. Ushırasıw dawamında basqarma baslıǵı tárepinen jaslardı jumıs penen támiyinlew, olardı qıynap atırǵan mashqalaların úyreniw hám unamlı sheshim tabıw, olardı kásipke baǵdarlaw máselelerine ayrıqsha itibar qaratıldı.