Úlkemizge báhár paslı kirip keliwinede sanawlı kúnler qaldı. Jańalanıw hám jasarıw máwsimi aldınan jasap turǵan aymaǵımızdı, máhállelerdi abadanlastırıw hám kóklemzarlastırıw sonıń menen birge ekologiyalıq jaǵdaydı jaqsılaw  maqsetinde «Jasıl mákan» akciyasına baslap jiberildi.

Ótken 2021-jılda ámelge asırılǵan “Áhmiyetli 40 kúnlik” sheńberinde hár bir aymaqtıń topıraq hám klimat sharayatlarına mas, ásirese suwdı kóp talap etpeytuǵın 6 mln.nan aslam miyweli hám dekorativ náller egildi.

 

Bıyılǵı jılı usı jaqsı baslama sheńberinde Qaraqalpaqstan Respublikası aymaǵına 8 mln.nan aslam nállerdi egiw rejelestirilgen.

Búgin Nókis qalası aymaǵındaǵı «Jiydeli baysın» elatında «Jasıl mákan» akciyası sheńberinde nál egiw jumısları alıp barıldı. Oǵan ásirese jaslar belsene qatnasıp qalamız tazalıǵına biyparq emes ekenliklerin jáne bir márte dáliylledi.

Akciya dawamında Qaraqalpaqstan Respublikası Ministrler Keńesi Baslıǵı Q.Sariev sózge shıǵıp, bunday jaqsı baslama kótergen jaslarǵa óziniń sheksiz minnetdarshılıǵın bildirdi.