Búgin, Jaslar orayında Jaslar isleri agentligi Qaraqalpaqstan Respublikası basqarması baslıǵı Ikram Abdikalikov hám psixolog Dilbar Yusupova qatnasında jaslar ushın motivaciyalıq sheberlik sabaǵı ótkerildi.

Jaslar ushın turaqlı túrde ótkerilip kiyatırǵan «Motivacion time» joybarınıń náwbettegi seminarında jaslar «Jeke rawajlanıwdıń sırları» haqqında bahalı másláhátler berildi.

– Hár bir insan bir isti baslamaqshı bolsa, onı ózinen basqa heshkim toqtata almaydı. Sonlıqtan, hár birińiz maqsetti durıs qoyıwdı hám oǵan erisiw ushın tek ǵana alǵa qádem taslawdı, ishki qorqınısh hám ózinińizdegi tosıqlardı jeńe biliwińiz zárúr, – dedi jaslarǵa qarata I.Abdikalikov.