Búgin Nókis qalasında “Abat jurt” eko-chellenjiniń saltanatlı ashılıw máresimi bolıp ótti. Ilaj sheńberinde jaslar, oqıwshı hám studentler, sonday-aq, máhálle belsendileri hám eko-volontyorlar qatnastı. Qatnasıwshılar qala aymaqların abadanlastırıw, tazalaw hám kóklemzarlastırıw jumısların ámelge asırdı.

Eko-chellenjdıń tiykarǵı maqseti — jaslar arasında ekologiyalıq mádeniyattı arttırıw, qorshaǵan ortalıqtı saqlawǵa bolǵan juwapkershilikti arttırıwdan ibarat. Sonday-aq, “Abat jurt” baslaması sheńberinde videorolikler tayarlanıp, sociallıq tarmaqlarda keńnen sáwlelendirildi. Bul eko-chellenj pútkil respublika boylap jaslar arasında úlken kúsh-ǵayrat penen dawam etpekte.