Xabarıńız bar, Birlesken Arab Ámirlikleriniń Dubay qalasında jaslar arasında V Para Aziya oyınları bolıp ótti. Bul jarısta elimizdiń abırayın múnásip qorǵap, mámleket bayraǵın kóklerge kótergen sportshılarımızdıń kórsetken mártligi hár qanday maqtawǵa ılayıq. Bul Aziya oyınlarında sporttıń parapauerlifting túri boyınsha qatnasqan jerlesimiz Azizbek Perdebayev abıraylı jarıstıń altın medalın qolǵa kirgizip, elimiz sportınıń tariyxında múnásip orın iyeledi.

Bul joqarı nátiyje — sportshınıń tınımsız miyneti, kúshli erk-ıqrar hám joqarı juwapkershiliktiń ayqın kórinisi bolıp esaplanadı.

Bul jeńis tek ǵana sportshınıń jeke jetiskenligi emes, al pútkil elimiz, sport jámiyetshiligi hám jas áwlad ushın úlken ilham dáregi bolıp esaplanadı. Sportshınıń erisken tabısı imkaniyat sheklenbegenin, isenim hám miynet penen eń joqarı sheklerdi iyelew múmkin ekenligin jáne bir márte dálilledi.

Sportshımızdı bul joqarı jeńis penen qızǵın qutlıqlaymız hám aldaǵı jarıslarda da úlken tabıslar tileymiz.