Kúni keshe, Nókis qalası “Jaslar orayı”nda “Basshı hám balalar” ushırasıwı ótkerildi. Onda 18 jasqa shekemgi bilimlendiriw orınlarında tálim alıp atırǵan balalar qatnasıp, olardıń piker hám usınısları ashıqtan-ashıq tıńlandı.

Ushırasıwda oqıwshı jaslar tárepinen balalar arasında ekologiyalıq mádeniyattı rawajlandırıw, máhállelerde balalar qatnasıwında forumlar shólkemlestiriw, mektepke shekemgi bilimlendiriw orınlarında interaktiv tárizde shet tillerin úyretiw, injenerlik hám kosmonavtika tarawında sheberlik sabaqların ámelge asırıw, robototexnika baǵdarında oqıwshılarǵa qosımsha shárayatlar jaratıw, intellektuallıq bilimlerdi elede rawajlandırıw sıyaqlı usınıslar bildirildi.

Ashıq sáwbette balalar tárepinen bildirilgen pikir hám usınıslardıń orınlanıwı hám ámelge asırılıwı boyınsha tiyisli ilajlar belgilep alındı.