Aldın xabar bergenimizdey (https://t.me/jaslar_isleri_agentligi/32239), búgin Shomanay rayonında Jaslar orayı imaratı saltanatlı túrde paydalanıwǵa tapsırılǵan edi. Ilaj sheńberinde Qaraqalpaqstan Respublikası jaslar isleri basqarması baslıǵı P.Maxsetbayev, rayon hákimi A.Ametovlar Prezidentimizdiń shomanaylı jaslarǵa inám etken bayram aldı sawǵası menen qızǵın qutlıqladı. Endigiden bılay, Shomanay rayonında IELTS (International English Language Testing System) imtixanınan 8.0 ball hám onnan joqarı ball alǵan jasqa , sonday-aq onıń ustazına 10 mln swmnan aqshalay sıylıq beriletuǵın boldı. Bul haqqında, rayon hákimi A.Ametov ashılıw saltanatında sóz etti. Jańadan ashılǵan Jaslar orayı imaratında jumıs baslap atırǵan oqıw orayı oqıtıwshısı Jeńis Qalmuratov, 3 ay ishinde óz oqıwshıları arasınan IELTS (International English Language Testing System) imtixanınan 8.0 ball alatuǵın darejede oqıwshılardı tayarlawǵa wáde etti.