Usı jıldıń 29-iyul kúni Nókis qalası orayındaǵı mámleketlik bayraqlar ornatılǵan orında «Mámleketlik qáwipsizlik xızmeti kubogi» jarısınıń Qaraqalpaqstan Respublikası basqıshı jeńimpazların sıylıqlaw saltanatı bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, sońǵı jılları jaslarǵa, sonıń ishinde, olardıń sport penen shuǵıllanıwı ushın keń múmkinshilikler jaratılıp atırǵanın tilge aldı.

Sonıń nátiyjesinde kóplegen jaslarımız xalıqaralıq arenalarda elimizdiń bayraǵın joqarılarǵa kóterip, onı dúnyaǵa tanıtıwǵa úles qosıp kelmekte.

Dál házirgi waqıtta Parij qalasında ótkerilip atırǵan jazǵı olimpiada oyınlarına Qaraqalpaqstan Respublikasınan 3 jas Ózbekstan saylandı komandası quramında qatnasıp atırǵanı sózimizdiń dálili bola aladı. Sonday-aq, bul kewilllerimizde maqtanısh sezimin oyatadı.

Respublikamızdıń eń shetki aymaqlarına shekem kirip barıp, 40 mıńnan aslam jastı ózine qamtıp alǵan jarıs juwmaǵına bola:

Futbol boyınsha:

1-orın – Ámiwdárya rayonı, «Tolqın» APJ;
2-orın – Shomanay rayonı, «Tazabazar» MPJ;
3-orın – Qońırat rayonı, «Elabat» PPJ.

Mini futbol (er balalar):

1-orın – Nókis rayonı, «Qırantaw» APJ;
2-orın – Nókis qalası, «Temir jol» MPJ;
3-orın – Qońırat rayonı, «Gúlabat» MPJ.

Mini futbol (qız balalar):

1-orın – Ámiwdárya rayonı, 2-sektor;
2-orın – Moynaq rayonı, 4-sektor,
3-orın – Shomanay rayonı, 1-sektor.

Mayıplıǵı bolǵan jaslar arasında sporttıń shaxmat túrinen (er balalar):

1-orın – Aybek Saypnazarov, Qanlıkól rayonı;
2-orın – Abbaz Eshmuratov, Shomanay rayonı;
3-orın – Aydos Xojaniyazov, Shımbay rayonı.

Mayıplıǵı bolǵan jaslar arasında sporttın shaxmat túrinen (qız balalar):

1-orın – Kakishova Selbi, Taqıyatas rayonı;
2-orın – Nilufar Xabibnazarova, Qaraózek rayonı;
3-orın – Еleonora Genjemuratova, Shımbay rayonı.

Ilaj juwmaǵında barlıq jeńimpazlar shólkemlestiriwshiler tárepinen múnásip xoshametlenip, diplom hám estelik sawǵaları menen sıylıqlandı.