Házirgi kúnde Jańa Ózbekstan universitetinde Dástúriy támiynat injenerligi tálim baǵdarı boyınsha bilim alıp atırǵan Arıslanbek Qalbaev:

• 2020-jılı «ILPS» shólkemi tárepinen ótkerilgen «8-hippo» inglis tili olimpiadasınıń belsendi qatnasıwshısı atanǵan;
• Edinburg universitetiniń «Programmalastırıwǵa kirisiw» hám London patshalıq kolledjiniń «Biznes jáne onı basqarıw» atlı onlayn oqıw kursların tabıslı juwmaqlap, arnawlı sertifikatqa iye bolǵan;
• 2021-jılı IELTS xalıqaralıq til biliw dárejesi imtixanında 7 balldı qolǵa kirgizgen;
• 2021-jılı matematika hám til biliw dárejesin tekseriwshi SAT xalıqaralıq imtixanınan 1410 ballıq sertifikatqa iye bolǵan.

Arıslanbek Qalbaev AQShta jaylasqan 5 joqarı oqıw ornı, atap aytqanda, Drexel universiteti, «Hult international business school», Ogayyodaǵı Mayami universiteti, Arizona universiteti, Qubla Florida universitetleriniń studenti bolıwı ushın 405 mıń AQSh dolları muǵdarında grantlardı jeńip alǵan.

Ol usı jetiskenlikleri ushın «Mard oʻgʻlon» mámleketlik sıylıǵına ılayıq dep tabılǵan.