Ózbekstan Respublikası Prezidentiniń 2022-jıl 20-yanvardaģı “Bilim ring” intellektual oyının xalıq arasında ģalabalıq-mádeniy háreketke aylandırıw hám basqa intellektual oyınlardı rawajlandırıwģa baylanıslı is-ilajlar haqqında”ģı PQ-96-sanlı qararınıń orınlanıwın támiyinlew; máhállelerde sistemalı ráwishte intelllektual oyınlar ótkizip barılıwın támiyinlew; mámleketimizde shaxmat sportın jánede keńirek bayıtıw hám jaslardı sport bellesiwlerine ģalabalıq qamtıw; háweskerler hám jas shaxmatshılardıń sport tájiriybelerin asırıw, oqıwshılarģa oqıwdan bos waqıtların mazmunlı ótiwine kómeklesiw; jaslar ortasında saģlam turmıs tárizin engiziw hám mádeniy-sport baylanısların jolģa qoyıw maqsetinde Shımbay rayonında 26-aprel kúni sporttıń “Shaxmat” túrinen “Jaslar isleri agentigi kubogı”nıń Respublika ashıq turniriniń sektor basqıshı ótkerildi.

Rayondaģı bárshe sektorda úlken kólemde shólkemlestirildi.
✅Bul bellesiw rayonda 116 jastı óz ishine qamtıdı hám qatnasıwshılar óz kúshin sınaqtan ótkerdi.