Tashkent qalasında 21-aprel kúni Ózbekstan Oraylıq banki basqarıwınıń jıynalısı bolıp ótti. Bul haqqında Oraylıq banktiń málimleme xızmeti xabar berdi.

Xabarda jazılıwınsha, jıynalısta tiykarǵı stavkanı jıllıq 17 procent dárejesinde ózgerissiz qaldırıw haqqında qarar qabıl etildi.

«bakiroo»nıń jazıwınsha, bul tiykarǵı stavka birden 3 procent bántine kóterilgennen keyingi dáslepki jıynalıs esaplanadı.

«Ótken bes hápte dawamında milliy valyuta kursınıń turaqlasıwı, hátte bekkemleniwi baqlandı (bunda rubldiń bazar emes ózgerislerine ózgermeli isenimniń tásiri joq emes).

Biraq inflyaciyalıq kútilmeler hám qáterler joqarı bolıp qalmaqta. Tiykarǵı sawda birge islesiwshilerimiz bolǵan mámleketlerden inflyaciya importı itimalı artpaqta», dep jazadı ekonomist Otabek Bakirov.