Jaslardı watansúyiwshilik ruwhında tárbiyalaw, kásipke baǵdarlaw maqsetinde, Respublikamızdaǵı mektepler Milliy gvardiyaǵa biriktirilgen edi.

Usı múnásebet penen, Qaraqalpaqstan Respublikası Aymaqlıq oqıw orayında Tórtkúl, Xojeli, Shımbay rayonları hám Nókis qalasında jaylasqan mekteplerdiń áskeriy-watansúyiwshilik baǵdarına qánigelesken klass oqıwshıları ortasında “Jas gvardiyashı” áskeriy-sport jarısınıń Qaraqalpaqstan Respublikası basqıshı ótkerildi.

Ilájǵa Qaraqalpaqstan Respublikası boyınsha Milliy gvardiya basqarması áskeriy xızmetkerleri, Qorǵaw baskarması xızmetkerleri, Aymaqlıq okıw orayı xızmetkerleri, Jaslar isler agentligi Qaraqalpakstan Respublikası baskarması, Ózbekstan  Jaslar awqamı Qaraqalpaqstan Respublikalıq Keńesi aǵzaları, mektep oqıwshıları hám máhálledegi jámlespegen jaslar qatnastı.

Ilájda Qaraqalpaqstan Respublikası boyınsha Milliy gvardiya basqarması oficeri mayor A.Musinov sózge shıǵıp, mektep oqıwshılarına áwmet yar bolıwın tilep qaldı hám sport jarısına start berildi.

Kún dawamında ótkerilgen jarıs juwmaǵında jeńimpazlar anıqlandı.

Iláj juwmaǵında, Qaraqalpaqstan Respublikası boyınsha Milliy gvardiya basqarması baslıǵı polkovnik M.Yusupov sózge shıǵıp, mektep oqıwshıların erisken jetiskenligi menen shın júrekten qutlıqlap, mektep oqıwshılarına saltanatlı túrde kubok, diplom hám qımbat bahalı sawǵalardı taprsırdı.