Rayondaǵı «Qosjap» APJ aymaǵında «Jańa Ózbekstandı jaslar menen birge quramız» uranı astında hám jaslardıń bos waqıtların mazmunlı ótkeriw, jaslar arasında jınayatshılıq hám huqıqbuzarlıqlardıń aldın-alıw, olardı Ana watanǵa degen súyispenshiligin arttırıw maqsetinde «Jaslar festivalı» ótkerildi.

Ilájǵa rayon hákimi A.Ibragimov hám sektor basshıları qatnastı.

Joqarı keypiyatda ótken festival sheńberinde hár qıylı kórik tańlawlar, mádeniy ilajlar menen sport jarısları shólkemlestirildi hám jarıs jeńimpazları bahalı sawǵalar menen sıylıqlandı.

Festival saltanatında Mádeniyat xızmetkerleriniń hám QRIIM Operativ wazıypalardı orınlawshı kóshpeli otryadı xızmetkerleriniń kórgizbeli shıǵıwları jıynalǵanlarda úlken tásirler qaldırdı.