Jaslar isleri agentligi Shımbay rayonlıq bólimi baslıǵı I.Zarlikov hám Jaslar awqamı jergilikli Keńesi baslıǵı S.Jolımbetova probaciya esabında turǵan jaslar menen sáwbetlesti.

Jaslarǵa mámleketimizde jaslar siyasatı baǵdarında ámelge asırılıp atırǵan reformalar hám imkániyatlar haqqında maǵlıwmat berildi.

Óz mashqalasın bayan etken eki jasqa avtomobil basqarıw gúwalıǵın alıwda “Vatanparvar” shólkeminde oqıw ushın “Jaslar fondı” esabınan járdem beriliwi belgilendi.

Sonday-aq, házirde jumıs islep atırǵan jaslardıń jumıs shárayatları úyrenildi.

Esletip ótemiz jınayıy qılmıs islegen bir jas Jaslar awqamı Oraylıq Keńesi kepilligi menen azatlıqtan ayırıw menen baylanıslı jazadan azat etilgen edi.