13-yanvar kúni Nókis qalasında jaylasqan » Temurbekler mektebi» áskeriy-akademiyalıq liceyinde Ishki Isler ministrligi, áskeriy-akademiyalıq liceyi hám Berdaq atındaǵı Qaraqalpaq mámleket universiteti Jaslar Awqamı baslanǵısh shólkemi menen birgelikte mádeniy-aǵartıwshılıq ilaji ótkerildi.

Ilajdi Ishki isler ministrligi áskeriy-akademiyalıq liceyi direktorı, Universitet Jaslar awqamı baslanǵısh shólkemi jetekshisi ashıp berdi.

Ilajda Universitetimiz studentleri tárepinen, » Hurliman» xalıq ansambli oyınshı jigit-qızları qatnasıwında ayaq oyınlar, Kórkem-óner fakulteti studentleriniń nama -qosıqları, viktorina oyınları ótkerildi.

Sonıń menen birge, » Temurbekler mektebi» áskeriy-akademiyalıq liceyinde tálim alıp atırǵan, óziniń úlgili iskerligi, oqıw hám jámiyetlik jumıslarında aktiv qatnasıp atırǵan oqıwshılarǵa Húrmetli jarlıqlar tapsırildi.

Áskeriy-akademiyalıq licey oqıwshıları patriotlıq ruwxındaǵı áskeriy shıǵıwları, tamashagóylerdiń kewlinde ayrıqsha orın iyeledi.