Tańlawlardıń máhálle, rayon (qala) basqıshları shólkemlestirilip, dóretiwshilik baǵdarlarda qatnasıwshılardı tańlap alıw hám belsendi jaslardı xoshametlew jumısları alıp barıldı.

Qaraqalpaqstan Respublikasında jaslar festivalları sheńberinde mádeniy-aǵartıwshılıq ilajlar, dóretiwshiler menen ushırasıwlar hám koncert baǵdarlamaları shólkemlestirildi.

Atap aytqanda, “Siz súygen qaharmanlar” formatındaǵı ushırasıwlar Ellikqala, Shımbay, Qońırat rayonları hám Nókis qalasında ótkerildi. Onda kórkem óner hám mádeniyat wákilleri, aktyorlar hám jas talant ieleri qatnastı.

🎤 Ilajlar dawamında jaslar súyikli dóretiwshileri menen ushırasıp, olardıń dóretiwshilik jumısı menen jaqınnan tanıstı.

📚 Sonday-aq, Nókis qalası hám Qaraqalpaqstan Respublikasınıń barlıq rayon hám qalalarında jaslardı keńnen qamtıp alǵan halda kórgizbeler, kitap yarmarkaları, ónermenchilik hám isbilermenlik baǵdarlarındaǵı prezentaciyalar, sonday-aq, jaslardıń dóretiwshilik shıǵıwları shólkemlestirildi.

🌟 Bul ilajlar jaslardıń bos waqtın mazmunlı shólkemlestiriw, olardıń dóretiwshilik potencialın kórsetiw jáne mádeniyat hám kórkem ónerge qızıǵıwshılıǵın jáne de arttırıwǵa xızmet etti.