Xabarıńız bar, Ózbekstan Respublikası Ministrler kabinetiniń 2023-jıl 20-noyabr kúngi “Jıldıń eń úlgili máhálle jaslar jetekshisi” tańlawın shólkemlestiriw is-ilajları haqqındaǵı 608-sanlı qararına tiykar, hár jılı oktyabr ayında tańlawdıń rayon (qala) basqıshı ótkeriliwi belgilep berilgen. Usıǵan muwapıq, Qaraqalpaqstan Respublikasınıń barlıq aymaqlarında tańlawdı kóterińki keypiyatta ótkeriw jumısları alıp barılmaqta. Tańlawdıń tiykarǵı maqseti bolsa, jaslar jetekshileri qálbinde “Watanǵa hám xalıqqa sadıqlıq penen xizmet qılıw – eń joqarǵı wazıypamız! ” ideyasın bekkemlew, olarda watansúyiwshilik tuyǵısın kúsheytiw, jaslar jetekshileri arasında salamat báseke ortalıǵın qáliplestiriw, olardıń iskerligin qollap-quwatlaw, jetekshilik paziyletlerin ele de rawajlandırıw bolıp esaplanadı. Keshe ǵana, Qońırat rayonında start alǵan bul tańlaw juwmaǵına kóre: “Jaslar balansı platforması tiykarında nátiyjeli jumıs shólkemlestirgen eń úlgili máhálle jetekshisi” baǵdarında – “Berdaq” MPJ jaslar jetekshisi Dosjanova Matluba “Jaslardıń bos waqıtların mazmunlı shólkemlestirgen eń úlgili máhálle jetekshisi” baǵdarında – “Bostan” MPJ jaslar jetekshisi Kojakmetov Jandos “Ayrıqsha itibarǵa mútáj jaslar menen nátiyjeli jumıs shólkemlestirgen eń úlgili máhálle jetekshisi” baǵdarında – “Xanjap” MPJ jaslar jetekshisi Joldashbaev Rasul “Jaslardıń isbilermenlik ideyaların ámelge asırıwda hám bántligin támiyinlewde nátiyjeli jumıs shólkemlestirgen eń úlgili máhálle jetekshisi” baǵdarında – “Taraqlı” MPJ jaslar jetekshisi Joljanov Nurlan “Sırtqı miynet migraciyasınan qaytqan jaslar menen nátiyjeli jumıs shólkemlestirgen eń úlgili máhálle jetekshisi” baǵdarında– “Ústirt” APJ jaslar jetekshisi Elmuratova Bibixatsha “Qábiletli hám intellektual belsendi bolǵan jaslar menen nátiyjeli jumıs shólkemlestirgen eń úlgili máhálle jetekshisi” baǵdarında – “Qańlı” APJ jaslar jetekshisi Asemov Bekzod 1-orındı iyelep tańlawdıń Qaraqalpaqstan Respublikası basqıshına jollamanı qolǵa kiritti.