Qaraqalpaq mámleketlik universiteti “Mádeniyat sarayı”nda máhállelerde jumıs alıp barıp atırǵan jaslar jetekshileri ushın oqıw-seminarı shólkemlestirildi. Ilajda “Mutolaa” joybarınıń koordinatorı H. Jumamuratova, Balalar shólkeminiń basshısı S. Jolimbetova hám taraw qánigeleri qatnasıp, jaslar ushın áhmiyetli temalarda keń túsinikler berdi. Sonday-aq, “Ibrat farzandlari” joybarı haqqında da tolıq maǵlıwmat berildi. Qatnasıwshılarǵa Ózbekstan Respublikası Prezidentiniń 2025-jıl 14-fevralda qabıl etilgen PQ-60-sanlı hám PQ-61-sanlı qararları tiykarında jaslar ushın ajıratılatuǵın kredit hám qarızlar imkaniyatları haqqında túsinikler berildi. Bunnan tısqarı, xalıqaralıq grantlardı tartıw hám joybarlar tayarlaw tártibi boyınsha da hár tárepleme maǵlıwmat berildi. Seminar dawamında jaslar jetekshileri ózlerin qızıqtırǵan sorawlarǵa juwap aldı. Ilaj olar ushın bilim hám tájiriybe almasıw, sonday-aq, jańa imkaniyatlardı úyreniw maydanı bolıp xızmet etti.