Máhállelerdegi jaslardıń bos waqıtın mazmunlı ótkeriw hám olar arasında mádeniy doslıq múnásibetlerin qáliplestiriw maqsetinde Milliy gvardiya Shomanay rayonlıq bólimi baslaması tiykarında Jaslar isleri agentligi rayonlıq bólimi menen birgelikte 1-sektor aymaǵındaǵı “Mamıy” máhállesinde “Gúlxan átirapındaǵı jaslar” joybarı shólkemlestirildi.

Joybarda tek ǵana jaslar emes jası úlkenle rde ózleriniń perzentleri menen kelip gúlxan átirapında qosıqlar atqarıp joybardıń mazmunlı ótiwine úles qostı.

Joybarda Milliy gvardiya Shomanay rayonlıq bólimi baslıǵı A.Seytmuratov hámde Jaslar isleri agentligi Shomanay rayonlıq bólimi baslıǵı A.Davletov qatnastı. Bunday ilájlar jıl dawamında tiyisli shólkemler menen birgelikte rayon máhállelerinde turaqlı túrde ótkerilip barılıwı jobalastırılǵan.