Jaslar menen islesiwdiń jańa basqarıw mexanizmlerin ámelge asırıw, olar menen islesiwdiń vertikal sistemasın jaratıw, jaslar mashqalaların tuwrıdan-tuwrı máhállelerde saplastırıw, oqıw orınlarında ruwxıy-aǵartıwshılıq hám tárbiyalıq ilajlardıń nátiyjeliligin jánede kóteriw maqsetinde Jaslar isleri agentliginiń máhálledegi wákili lawazımı engizilmekte. Búgingi kúnde barlıq máhálelerde múnásip talabanlar saylap alınıp, usınıs etilgen.
Búgin Ellikqala rayonı “Sarabiy” awıl puqaralar jıyınında Jaslar isleri agentligi “Jaslar isleri agentliginiń máhálledegi wákili” lawazımına usınıs etilgen talabanlar qatnasında oqıw seminarı bolıp ótedi. Ilajǵa qala hám rayonlardan kelgen miymanlar “Sarabiy” awılındaǵı mádeniyat orayında saltanatlı kútip alındı.
Saltanatlı kútip alıwdan soń, jaslar Ellikqala rayonındaǵı mádeniyat orayı imkaniyatları menen tanıstı.
– “Jaslar isleri agentliginiń máhállelerdegi wákilleri menen birgelikte vertikal sistema jaratamız, endi mashqalalar máhállelerdiń ózinde saplastırıladı”, -deydi Jaslar isleri agentligi Qaraqalpaqstan Respublikası basqarması baslıǵı A.Daniyarov.
Jaslar isleri agentliginiń Ellikqala rayonı “Sarabiy” máhállesi wákili lawazımına usınılǵan talaban Umar Karimov Jaslar isleri agentligi máhálle wákilleriniń wazıypaları haqqında tayarlaǵan joybarın jıynalǵanlar názerine usındı.
Mahállelerdegi wákillerge 1-sanlı ulıwma bilim beriw mektebi iskerligi menen tanıstırıldı.Voleybol, shaxmat jarısları hám mádeniy ilajların shólkemlestiriw boyınsha túsinik berildi.
Ellikqala rayonı Balalar óspirimler sport mektebiniń Sarabiy filialı iskerligi menen tanısıw dawam etpekte.Stol tennisi, boks, gúres sport jarısların shólkemlestiriw haqqında sóz etilmekte.
Ellikqala rayonındaǵı 23-sanlı Muzıka hám kórkem óner mektebinde “Máhállelerdegi Jaslar isleri agentligi wákilleri” ushın oqıw seminarı keń túrde dawam etpekte.
Seminarda Jaslar isleri agentligi Qaraqalpaqstan Respublikası basqarması baslıǵı, senator Abat Daniyarov hám Ellikqala rayonı hákimi Seydamat Avezov jaslarǵa jol-jobalar kórsetip, tájiriybelerin bólispekte.
