Studentler ushın qısqı dem alıs múddeti sozdırıldı

2021-2022-oqıw jılınıń ekinshi yarımın tolıq hám puqta tayarlıq kórgen halda baslaw maqsetinde joqarı hám professional bilimlendiriw shólkemleri, akademiyalıq licey student-oqıwshıları ushın qısqı dem alıs múddeti 2022-jıldıń 24-yanvarına shekem sozdırıldı (https://makan.uz/kk/article/20249).

Bul haqqında Joqarı hám orta arnawlı bilimlendiriw ministrligi xabar berdi.

Jazılıwınsha, qısqı dem alıs waqtında joqarı hám professional bilimlendiriw shólkemleri, akademiyalıq licey student-oqıwshılarınıń waqtın mazmunlı ótkeriw maqsetinde joqarı oqıw orınları rektorlarınıń sherikliginde onlayn pán olimpiadaları, intellektual viktorinalar shólkemlestiriledi.

Sonday-aq, student-oqıwshılardı óz úylerinen bilimlendiriw shólkemlerine qaytıwı ushın qolay sharayatlar jaratıw maqsetinde avia hám temirjol biletleriniń tarif bóleginen 50 procent muǵdarında shegirme beriliwi múddeti de 2022-jıldıń 24-yanvarına shekem sozdırıldı.

Aytılıwınsha, 2022-jıldıń 11-yanvarına shekem bolǵan múddette satıp alınǵan avia hám temirjol biletleri biypul túrde basqa múddetke almastırıp beriledi.