Sońǵı jıllarda Qaraqalpaqstan Respublikasın hár tárepleme rawajlandırıw, xalıqtıń turmıs tárizin jaqsılaw, Aral boyı aymaǵında ekologıyalıq ortalıqtı tiklew jolında Prezidentimiz basshılıǵında keń kólemli reformalar ámelge asırılmaqta. Sol qatarı, respublika aymaqların tiyisli wálayatlarǵa biriktiriw ámeliyatı óziniń unamlı nátiyjesin kórsetip kelmekte. Usı jıldıń 28-29-oktyabr kúnleri Moynaqlı bir qatar belsendi jaslar Tashkent wálayatında eki tárepleme tájiriybe almasıwlardıń gúwası boldı. Iláj dawamında, isbilermenler menen ushırasıp, olardan óz tájiriybeleri boyınsha bilimler aldı. Atap aytqanda, zammarrıq jetilistiriw joybarın Moynaqta da ámelge asırw boyınsha kelisiwler alıp bardı. Sonday-aq, Nurafshon, Chirchiq hám Bostanlıqtaǵı ahımiyetli orınlar menen de tanıstı. Iláj jaslar arasında birge islesiw, doslıq hám jańa baslamalardı rawajlandırıwǵa xizmet qıldı.