Jaslardı Ana Watanǵa, ǵárezsizlik ideyalarına sadıqlıq, milliy hám ulıwma insanıylıq qádiriyatlarǵa húrmet ruwxında tárbiyalaw maqsetinde usı jıldıń 12-dekabr kúni Jaslar orayında Milliy gvardiya Qaraqalpaqstan Respublikası boyınsha basqarması baslıǵı hám jaslar ushırasıwı bolıp ótti.

Dáslep Milliy gvardiya xızmetkerleri tárepinen “Qol urısı shıǵıwları”, áskeriy texnika hám qural-jaraqlar kórgizbesi, oq jaydan oq atıw sportı boyınsha kórgizbeler shólkemlestirildi.

Onnan soń Milliy gvardiya Qaraqalpaqstan Respublikası boyınsha basqarması baslıǵı polkovnik M.B.Yusupov penen jaslar ushırasıwı shólkemlestirildi. Ushırasıw dawamında jaslar ózleriniń qızıqtırǵan sorawlarına juwaplar aldı.

Sonday-aq ilaj sońında belsene qatnasqan jaslarǵa Milliy gvardiya basqarması baslıǵınıń minnetdarshılıq alǵısnamaları tapsırıldı.