2021-2022 oqıw jılı dawamında Shımbay rayonindaǵı ulıwma bilim beriw mektebiniń oqıwshı jasları arasında ótkerilip atırǵan “Intellektual jetik jaslar” turniriniń 13-iyun kúni final basqıshı shólkemlestirildi.

Kitaplar álemi menen dos tutınǵan jaslardı bir orında jámley alǵan, olardıń ádebiy, ilimiy, tariyxiy kóz-qarasların bayıtqan tańlaw haqıyqıy jaslar bayramına aylana aldı.

“Áziza” restoranında ótkerilgen tańlawda rayon hákimi Aybek Tájetdinov hám hákim orınbasarları, sonday-aq, Jaslar shólkemi wákilleri kitapqumar jaslar menen ushırasıp, olar menen jaqınnan sáwbetlesti, kitaplar haqqında pikirlesti.

Demek, qızǵın bellesiwge bay bolgan turnirde:

?1-orındı Taza jol máhállesinde jaylasqan 12-sanlı mektep jasları,

?2-orındı Qamıs arıq máhállesinde jaylasqan 20-sanlı mektep jasları,

?3-orındı Keńes máhállesinde jaylqasn 4-sanlı mektep oqıwshıları iyeledi.

Jeńimpazlarǵa rayon hákiminiń arnawlı diplomı, sonday-aq, ✈️Tashkent qalası boylap biypul sayaxat ushın voucherler tapsırıldı, jánede jaslar arasında kitapqumarlıq mádeniyatın asırıwǵa qosqan úlesleri ushın bir qatar ustazlarǵa minnetdarshılıq jarlıqları berildi.

Jıl dawamında 300 den aslam jaslardı qamtıǵan jıldıń eń mega joybarı kelesi oqıw jılında da jaslar usınısına kóre dawam etetuǵınlıǵı rayon hákimi tárepinen maqullandı.