“Umid nihollari-2022” 16-17 jas arasında sport jarıslarınıń Qaraqalpaqstan Respublikası basqıshında Shımbay rayonınan bir qatar jaslar jetiskenliklerge eristi.
📝Atap aytqanda:📝
– Doslıq máhállesinde jaylasqan 36-sanlı shet tillerine qánigelestirilgen ulıwma orta bilim beriw mektebiniń 9-klass oqıwshısı Sayımbetov Sherzat sporttıń «Shaxmat» turinen I orın jeńimpazı boldı.

– Qosterek awıl puqaralar jıyını aymaǵında jaslasqan 31-sanlı mekteptiń 11-klass oqıwshısı Rozimov Rzambet Rametulla ulı sporttıń «Jeńil atletika» turiniń 1 500 metr aralıqqa juwırıw boyınsha sıylı II orındı iyeledi. Rzambet bunnan aldın Shımbay rayonında ótkerilgen sporttıń “Jeńil atletika” juwırıw túri boyınsha rayon birinshiligi jarıslarında I, II, III orınlardı alıp keldi. Sol menen bir qatarda rayon kóleminde ótkerilgen sporttıń “Gúres” túrinen III orındı iyelegen. Jánede qosımsha aytıp ótiw kerek R. Rozimov mektepler arasında bolıp ótetuģın futbol jarıslarģa qatnasıp komandasınıń jeńiske erisiwine óz úlesin qospaqta.
– 2006-jıl tuwılǵan Temir jol gúzari máhállesinde jaylasqan 44-sanlı ulıwma bilim beriw mektebinde 10-klass oqıwshısı Qalillaeva Dilnoza Dawletbaevna bolsa sporttıń «Shaxmat» túrinen I orındı aldı. Usı kúnge shekem bul jas shaxmatshı kóplegen jarıslardan sıylı orınlardı iyeledi.
– “Jeńil atletika” uzınlıqqa sekiriw túrinen 44-mekteptin’ 11-klass oqıwshısı To’reev Atabekte óz kúshine isengen halda bellesiwge qatnastı. Bul jas sportshımız tınımsız miyneti arqasında jarısta II orındı iyeledi.
– Elede dawam etemiz: Orjap máhállesinde jaylasqan 32-sanlı ulıwma bilim beriw mektep oqıwshıları bolsa vadminton sport túrinen I orındı jeńip aldı.