«Aydın» intellektual turniri

Jaslar isleri agentligi Qaraqalpaqstan Respublikası basqarması, Jaslar awqamı Qaraqalpaqstan Respublikası Keńesi tárepinen usı jıldıń 17-aprel kúni Ájiniyaz atındaǵı Nókis mámleketlik pedagogikalıq institutında Qaraqalpaqstan boyınsha keń kólemli intellektual joybar bolǵan Aydın turniriniń 8-máwsim 1-tur oyını bolıp ótti.

Inttellektual turnirdi ótkeriwden maqset jaslardı intellektual oyınlarǵa qızıqtırıw hám jámlew, olardıń bos waqıtların mazmunlı ótkeriw, bilim hám logikalıq pikirlew qabiletlerin ele de rawajlandırıw, bilimlilerdi izlep tabıw hám xoshametlewden ibarat.
Turnirdiń saylap alıw basqıshı usı jıldıń 3-aprel kúni ótkerilgen edi. Saylap alıw basqıshlarında 120 komanda ishinen 36 komanda turnirdiń tiykarǵı oyınlarında qatnaspaqta. Turnir 5 turdan ibarat.

Turnirdiń birinshi basqıshında eń qıyın sorawlarǵa juwap bergen qatnasıwshılar Ájiniyaz atındaǵı Nókis mámleketlik pedagogikalıq institutı jámááti atınan sıylıqlandı.