Búgin Ájiniyaz atındaǵı NMPI málimleme-resurs orayı tárepinen «Kitapqumarlar hápteligi» sheńberinde «Jaslar párwazı» atamasındaǵı ushırasıw keshesi bolıp ótti.

Keshede Ózbekstan hám Qaraqalpaqstan Jazıwshılar awqamınıń aǵzası, «Jas dóretiwshiler» klubı bas koordinatorı, jas shayır Allayar Dármenov hám birqansha namalı qosıqlar avtorı, «Jas dóretiwshiler» klubı aǵzası, jas shayır Sahibjamal Sırǵabaevalar miymanda boldı.

Jas shayırlar hám poeziyanıń, ádebiyattıń shın ıqlasbentleri menen bolǵan ushırasıw keshesi soraw-juwap hám sáwbetlesiw turinde qızıqlı bolıp ótti.