Ministrler Kabinetiniń «Qánigeligi boyınsha keminde bes jıl miynet stajına iye bolǵan hayal-qızlardı joqarı oqıw orınlarına tólemli kontrakt tiykarında oqıwǵa qabıl etiw tártibin tastıyıqlaw haqqında»ǵı qararı dodalawǵa qoyıldı. Bul haqqında «Bugun.uz» basılımı xabar berdi.

Oǵan bola, tómendegilerdi názerde tutıwshı qánigeligi boyınsha keminde bes jıl jumıs stajına iye hayal-qızlardı joqarı oqıw orınlarına tólemli kontrakt tiykarında oqıwǵa qabıl etiw tártibi tastıyıqlanadı hám 1-maydan baslap kúshke kiredi:

• óz aldına kvotalardı mámleketlik joqarı oqıw orınları kesiminde bólistiriw tártibi;
• qánigeligi boyınsha keminde bes jıl jumıs stajına iye, biraq joqarı maǵlıwmatqa iye bolmaǵan hayal-qızlarǵa usınısnama beriw tártibi;
• óz aldına test sınaqların ótkeriw tártibi.

Hayal-qızlarǵa usınısnama Shańaraq hám hayal-qızlar mámleketlik komiteti tárepinen bir ret beriledi. Usınısnama berilgen kúnnen baslap 3 jıl múddetke ámel etedi.

Bul tártip qánigeligi boyınsha keminde bes jıl miynet stajına iye bolǵan, biraq joqarı maǵlıwmatqa iye bolmaǵan hayal-qızlardı joqarı oqıw orınlarına tólemli kontrakt tiykarında oqıwǵa qabıl etiwdi belgileydi.

Bunda oqıwǵa qabıl etiw komitettiń usınısnaması tiykarında qánigeligi boyınsha keminde bes jıl miynet stajına iye bolǵan, biraq joqarı maǵlıwmatqa iye bolmaǵan hayal-qızlar esabınan, keyinirek bul sistemada bes jıl islep beriw shárti menen jumısına sáykes bolǵan bakalavriat tálim baǵdarlarına test sınaqlarınıń nátiyjelerine tiykar ámelge asırıladı.

Usı tártip joqarı áskeriy hám áskeriylestirilgen bilimlendiriw mákemelerine, Ózbekstanda jumıs alıp barıp atırǵan shet el hám mámleketlik emes joqarı oqıw orınları, sonday-aq, olardıń filiallarına qollanılmaydı.

Bekbergen Adilbaev, reportyor