Jaslar awqamı Qaraqalpaqstan Respublikalıq Keńesi janında dúzilgen Jas dóretiwshiler klubınıń dramaturgiya baǵdarı koordinatorı Aygúl Qosımbetovanıń qosıǵı Amerika Qurama Shtatlarında baspadan shıǵatuǵın «Uzbek writers» (2-bólim) xalıqaralıq antalogiyasına kirgizildi.

Házirgi waqıtta bul kitaptıń elektron nusqası «amazon.com» platformasınan dizimnen ótken. Sonday-aq, ol 2 dollar bahada satıwǵa qoyılǵan.

—————————-

Leave your feelings naked-
there so much paint, touch applied,
Like a roll you wrapped it.
From who do you hide …
Who are you afraid of ?!
Who were you born for …
to whom do you die?
Undress your boiled senses!

***

Tır jalańash qaldır sezimlerińdi-
bunsha pardozladıń, boyandıń,
oray berdiń oramlarıńa.
Jasırasań kimnen…
kimnen qorqasań?!
Kim ushın tuwıldıń…
ólimiń kimge?
Sheshindir buwlıqqan sezimlerińdi! (úzindi)

—————————-

Maǵlıwmat ushın atap ótiw orınlı, Qosımbetova Aygúl 1997-jıl 26-aprelde Nókis qalasında tuwılǵan.

Házirgi waqıtta Berdaq atındaǵı Qaraqalpaq mámleketlik universitetiniń lingvistika: qaraqalpaq tili qánigeligi 2-kurs magistrantı.

Onıń qaraqalpaq til bilimi máselelerine baylanıslı ilimiy maqala hám tezisleri Angliya, Serbiya, Polsha, Rossiya, Qazaqstan Respublikalarında hám jergilikli ilimiy jurnallarda jarıq kórgen.

Bekbergen Adilbaev tayarladı.