Qaraózek rayonında qız balalar arasında sporttıń “Voleybol” túrinen rayon hákiminiń kubogi ushın sport jarısı ótkerildi.
Jarısqa respublikamızdan 8 komanda qatnasıp, jarıs qızǵın bellesiwler menen dawam etti. Qatnasıwshılar ózleriniń bar kúsh-ǵayratı menen jeńimpazlıq ushın gúresti.

Jarıs juwmaǵında bolda I-orındı Qaraózek rayonı qızlar komandası, II-orındı Nókis qalası hám III-orındı bolda Ózbekstan mámleketlik dene tárbiya hám sport universiteti Nókis filialı komandaları jeńip aldı.

Jarıs sońında rayon hákimi sportshılardı qolǵa kirgizgen jetiskenlikleri hám Nawrız bayramı menen qızǵın qutlıqlap, jaslarımızdıń sportqa bolǵan qızıǵıwshılıǵın elede asırıw, basqada sport túrlerin rawajlandırıw kerekligine ayırıqsha toqtap ótti.

Jeńimpaz komandalarǵa rayon hákimligi tárepinen tayarlanǵan kubog diplom hám bahalı sawǵalar tapsırıldı.