«Kitap oqı», «Kitap oqı», «Kitap oqı»…

– Bárshemizge tanıs sózler. Ásirese, jaslar oqıw dárgaylarında, úyde de kóp esitedi. Solay emes pe?

Durıs, bul gáp birqansha insanlardıń aydın keleshegi ushın xızmet etken. Biraq, jasırarlıǵı joq, bul gápler ayırımlarımızdı da biyzar da etken bolıwı múmkin.

Lekin bir haqıyqat, biz balalarımızǵa kitap oqı deybermesten, qanday kitap oqıw kerekligin úyretiwimiz kerek. Óytkeni, bizdi jaqsı jolǵa baslawshı kitaplar, bilip-bilmey jaslardı nadurıs jolǵa da baslawı múmkin.

Máselen, oǵada muhabbat sezimlerin ózinde jámlegen kitaplardı alıp qarayıq. Durıs, ol sadıqlıqtı, muhabbattı qádirlewdi úyretiwi múmkin. Biraq, psixologlardıń aytıwına qaraǵanda, bunday kitaplar ótiw dáwirindegi óspirim jaslar arasında sezimge beriliwsheńlikti kúsheytip hátteki, kewilsiz hádiyselerdi de keltirip shıǵarıwı múmkin eken.

Solay eken, biz perzentlerimizge kitap oqı dep emes, qanday kitaplar oqıwdı úyretsek shep bolmaydı.

Sonlıqtan, Jaslar isleri agentligi Qaraqalpaqstan Respublikası basqarması jaslar ushın “Kitap oqıw emes, qanday kitaplar oqıw áhmiyetli!” uranı astında “Kitap másláháti” rubrikasına start beredi.

©️Ikram Abdikalikov
Jaslar isleri agentligi Qaraqalpaqstan Respublikası basqarması baslıǵı