Yoshlar orasida narkojinoyatchilikka qarshi kurashish, sog‘lom turmush tarzini targ‘ib qilish maqsadida “Yoshlar front ofisi” volontyorlar klubi saylovi bo‘lib o‘tdi.
Mazkur klubning asosiy maqsadi — yoshlar orasida narkojinoyatlarning oldini olish, profilaktik va targ‘ibot tadbirlarini amalga oshirishdan iborat. Klub a’zolari tomonidan muntazam ravishda tushuntirish va targ‘ibot ishlari olib boriladi.
Volontyorlar klubiga a’zo bo‘lish uchun 1000 nafardan ortiq yoshlar ro‘yxatdan o‘tgan bo‘lib, ular orasidan 180 nafar eng faol yoshlar saralab olindi.
Hududiy bosqichda esa 39 nafar nomzod orasidan 10 nafar volontyor saralab olindi.