Búgin respublikamızda jaslar arasında watansúyiwshilik, jetekshilik hám juwapkershilik sezimlerin bekkemlew, olardı jámiyetlik turmısqa keńnen tartıw maqsetinde “Sárdarlar forumı” bolıp ótpekte.

Forum Xojeli hám Taxtakópir rayonlarında ótkerilip, onda belsendi jaslar qatnastı. Ilaj jaslardıń jetekshilik qábiletlerin rawajlandırıw, tájiriybe almasıw hám jámiyetlik belsendiligin arttırıwǵa qaratılǵan áhmiyetli platforma boldı. Forum dawamında “Basshı hám sárdarlar” ushırasıwı shólkemlestirilip, onda jetekshilik sırları, waqıttı durıs basqarıw, komanda menen islesiw hám jańa ideyalardı ámelge asırıw haqqında jańa bilimlerge iye boldı.

Sonday-aq, qatnasıwshılar ushın motivaciyalıq seminar-treningler ótkerilip, olarda ózin-ózi rawajlandırıw, maqset qoyıw hám qıyınshılıqlardı jeńip ótiw boyınsha ámeliy kónlikpeler berildi. “Zakovat” intellektuallıq oyını jaslardıń bilim dárejesin, tez pikirlew qábiletin sınap kóriwge xızmet etti.

Forum sońında jetekshilik qábileti, jámiyetlik jumıslardaǵı belsendiligi menen ajıralıp turǵan eń belsendi máhálle hám rayon sárdarları múnasip xoshametlendi.