Búgin, Nókis qalasındaǵı Jaslar orayında “Shet tilleri hápteligi” sheńberinde “Future Leaders Talk” temasında motivaciyalıq ushırasıw shólkemlestirildi. Ushırasıw dawamında Germaniyada oqıw, islew hám jasaw máseleleri boyınsha ashıq sóylesiw alıp barıldı. Spikerler – “Work and Travel” joybarı sheńberinde Germaniyada bilim alıp, jumıs alıp barǵan Allaniyazov Nursultan hám Óteniyazov Asadbek Germaniyada bilim alıw, islew hám jasawdı rejelestirip atırǵan jaslarǵa óz bilim hám tájiriybeleri menen bólisti. Sáwbetlesiw dawamında Germaniyada bilim alıw imkaniyatları hám grant baǵdarlamaları, jumıs islew hám jasaw ushın zárúr hújjetlerdi tayarlaw tártibi, sonday-aq, nemis tilin úyreniwdiń áhmyietli máseleleri boyınsha tolıq maǵlıwmat berildi. Esletpe: 13-yanvar – Yaponiya. 14-yanvar – Koreya 15-yanvar – Túrkiya. 17-yanvar – AQSh Usı sánelerde bul mámleketlerde bilim alıp kelgen watanlaslar hám házirgi waqıtta ol jerde oqıp atırǵan jaslar menen ushırasıwlar ótkeriliwi rejelestirilgen.