Ózbekstanda kem támiyinlengen shańaraqlardı elektron dizimge alıw sistemasın jaratıw jobalastırılmaqta

Ózbekstanda kem támiyinlengen shańaraqlar, hayal-qızlar hám jaslardı jarlılıqqa shek qoyıw ushın birden-bir elektron dizimge alıw sistemasın jaratıw jobalastırılmaqta (https://makan.uz/kk/article/20277).

Bul haqqında 2022-2026-jılları rawajlanıw strategiyasın ámelge asırıw boyınsha «jol kartası» joybarında aytılǵan.

Maǵlıwmatlarǵa bola, kem támiyinlengen shańaraqlar menen mánzilli islesiw sisteması engiziledi.

Sonıń menen birge, «Temir dápter», «Jaslar dápteri» hám «Hayallar dápteri» «Sociallıq qorǵawdıń birden-bir reestri»ne kirgizilgen.

Bunnan tısqarı, xalıqtıń kem támiyinlengen qatlamlarına járdem tek «Sociallıq qorǵawdıń birden-bir reestri» arqalı ámelge asırıladı.

Mámleket korporativ sociallıq juwapkershilikti xoshametlewdi de jobalastırmaqta. Tiykarǵı itibar jumısshılardıń miynet haqısın belgilew hám olardı qosımsha «sociallıq paketler» menen támiyinlew, islep shıǵarıwdı keńeytiw esabına jumıs orınların jaratıwǵa qaratıladı.

Awdarma: Bekbergen Adilbaev