Ózbekstan Respublikası Prezidenti Shavkat Mirziyoev Pakistan Bas ministri Imron Xonnıń usınısına muwapıq 3-4-mart kúnleri mámleket saparı menen usı mámlekette boladı.

Bolajaq joqarı dárejedegi kelisimler kún tártibinde  Ózbekstan-Pakistan strategiyalıq sheriklik hám kóp qırlı birge islesiw múnásibetlerin ele de rawajlandırıw máseleleri orın alǵan.

Eń aldı menen, sawda, investiciyalar, sanaat kooperaciyası, transport, logistika, infrastruktura hám turizm tarawlarında ámeliy birge islesiw boyınsha qospa joybarlardı ámelge asırıwǵa, mádeniy-gumanitar almasıw baǵdarlamaların keńeytiw máselelerine ayrıqsha itibar qaratıladı. Xalıqaralıq hám regionlıq kún tártibi boyınsha pikir almasıladı.

Sammit juwmaǵında qospa deklaraciya hám qatar eki  tárepleme hújjetlerdi qabıl etiw rejelestirilgen.

Sapar baǵdarlamasına muwapıq, mámleketimiz basshısı Pakistan Prezidenti Orif Alviy, usı mámlekettiń mákemleri hám jetekshi kompaniyalarınıń basshıları menen ushrasıwıda  názerde tutılmaqta.