8 dekabr – O‘zbekiston Respublikasi Konstitutsiyasi qabul qilingan kuniga bag‘ishlab «Ochiq eshiklar kuni» tadbiri doirasida o‘quvchi yoshlar uchun ko‘rgazmalar va «Mehnat yarmarkasi» tashkil etildi.
Tadbir davomida ishtirokchilar tegishli davlat idoralari va tashkilotlari tomonidan tayyorlangan tibbiy, sanitariya-epidemiologik tartib-qoidalar, bolalar qo‘l mehnati bo‘yicha ko‘rgazmalar bilan yaqindan tanishdi hamda «Mehnat yarmarkasi»da ishtirok etdi.

Shundan so‘ng, favqulodda vaziyatlar bo‘limi xodimlari tomonidan yoshlarga yong‘in sodir bo‘lganda o‘t o‘chirish xizmatiga qo‘ng‘iroq qilish, har bir fuqaro yong‘in xavfsizligi qoidalarini to‘liq bilishi kerakligi haqida tushuntirishlar berildi.