Usı jıldıń 30-iyun kúni, Qońırat rayonında  Jaslar aylıǵı sheńberinde 16-17 jas aralıǵındaǵı óspirimler arasında rayonlıq 47-sanlı mektep dzyudo sport zalında sporttıń «Milliy gúres» túrinen Prokuror kubogi jarısınıń rayonlıq basqıshı bolıp ótti.

Jarıs qızǵın bellesiwlerge bay túrde ótip jarıs juwmaģında 9 salmaq kategoriyası boyınsha jeńimpazlar anıqlandı hám diplom, medallar menen xoshametlendi. Jarıs nızamına  kóre, 1- orındı qolģa kirgizgen jeńimpazlar jarıstıń Qaraqalpaqstan Respublikalıq basqıshına jollamanı qolģa kirgizdi.

Sol menen bir  qatarda,  «30-iyun Jaslar kúni» múnásibeti menen «Jaslar aylıǵı» sheńberinde jaslardıń bos waqıtların mazmunlı ótkeriw hám olardı intellektual qábiletlerin jetilistiriw maqsetinde «Jańa Ózbekstan jasları, birleseyik!» súreni astında máhálle jasları arasında sporttıń voleybol túri boyınsha Qońırat rayonı «Prokurori kubogi» ótkerildi.